– – فريق الموقف المصري بيقدم كل التعازي لأهالي الشهداء اللي سقطوا في الهجوم الإرهابي الأخير في شمال سيناء.
– امبارح بالليل أعلن المتحدث العسكري عن استشهاد وإصابة ضابط وضابط صف و 8 مجندين، في انفجار عبوة ناسفة في مدرعة جنوب بئر العبد.
– تم تداول أسماء الشهداء والمصابين في أكتر من موقع وهم:
الشهداء:
– ملازم عبد الحميد صبح الإمام
– مساعد شحاته مصطفى أبو اليزيد
– جندى أحمد عبدالله
– جندي محمد عوض
– جندى أحمد حامد محمد
– جندى أحمد على أحمد
– جندى محمد حسنين على
– جندي محمود عادل
– جندى أبانوب عبدالتواب بولس
– محمد عبد العزيز الجوهرى
المصابين:
– ملازم أحمد عرفة الصعيدى
– جندى أحمد عزت على
– جندى علاء عماد سمير وافى جرجس
*****
– توقيت تنفيذ العملية في رمضان قبل المغرب بيكرر التأكيد على حقارة التنظيمات دي وبيفكرنا بمذبحة رفح في رمضان ٢٠١٢، بيتكلموا باسم الإسلام ويقتلوا الصايمين في رمضان! مفيش مصري شريف يقبل بأي تهاون مع هذا الخطر اللي بيهددنا كلنا، أيا كانت اختلافاتنا في أمور تانية.
– أسلوب تنفيذ العملية بتفجير عبوة ناسفة والتراجع الواضح في عدد ونوع عملياته هو من علامات ضعف التنظيم الإرهابي، بالتزامن مع ضعفه العالمي بعد هزيمته في مراكزه بسوريا والعراق، لكن النوع ده من عمليات حرب العصابات زي القنص والعبوات تحدي صعب على أي جيش نظامي، ويتطلب تطوير وجهود خاصة لمواجهته.
– نتمنى نوصل لليوم اللي ننتهي فيه من الإرهاب بشكل كامل، وكمان نشوف سيناء أرض تنمية اقتصادية وعدالة وكرامة لكل أهلها.
