النهاردة مجلس النواب هيبدأ مناقشة اتفاقية العار للتنازل عن جزيرتي تيران وصنافير، ومن النهاردة لازم جهودنا تزيد بكل قوتها.
الحملة مش بس لزيادة عدد النواب الرافضين، لكن كمان عشان الأغلبية المؤيدة يعرفوا إنها مش هتعدي بالساهل، ومحدش يبقاله حجة لما ييجي وقت الحساب.
١- غرقوهم اتصالات ورسايل!
في الرابط ده ملف فيه أسماء كل النواب، وقصاد كل نائب دائرته، ورقم موبايله أو مكتبه.
http://bit.ly/2re89HJ
٢- غرقوهم توقيعات.
حملة “مصر مش للبيع” المكونة من تحالف أغلب الأحزاب والقوى المصرية أطلقت حملة توقيع الكتروني وورقي حسب الدوائر، وفي نهايتها هتتبعت التوقيعات لكل نائب من ناس دائرته.
الموقع: http://www.tiranwsanafir.com/
وفي حال الحجب هيفتح بادخال اللنك في المواقع اللي بتوفر خدمة VPN زي ده: https://hide.me/en/proxy
أو ممكن استخدام الرابط البديل لموقع جمع التوقيعات عبر جوجل دوك: http://bit.ly/2rft8oH
مش كفاية التوقيع الفردي، كل واحد في بيته يجمع عيلته توقع، أو يجمع زملاء شغله، أو يجمع البيانات ورقياً ويدخلها.
٣- قابلوهم
روحولهم مقراتهم أو بيوت عائلاتهم، روحولهم في مجموعات وياريت لو فيها حد كبير من المنطقة.
٤- شهروا بيهم أو اشكروهم
بكل الوسائل الممكنة انشروا مواقفهم واتكلموا عنها، لو نائب دائرتك رافض اشكره، خليه يعرف انه مش لوحده عشان يحاول يقاوم الضغوط الرسمية .. ولو نائب دائرتك موافق افضحه، وقول لكل الناس على عاره اللي هيفضل يلاحقه.
٥- اضغطوا عليهم من خلال الناس
استعينوا برموز داويركم الانتخابية من سياسيين وأطباء ومهندسين ونقابيين ورجال الدين من الرافضين للاتفاقية وعرفوهم موقف نائب الدائرة، اتكلموا مع كبار عائلات النواب والناس الي يعرفوهم كويس.. خلوا كل واحد يعرف النائب يلاحقه بالرسايل والمكالمات خاصة من الناس الي بيثق فيهم النائب أو بيعملهم حساب.
