كل سنة و ٢٥ يناير ذكرى بتغير مستقبلنا.. وفكرة بتخلينا نكمل طريقنا ضد الفساد والظلم..
تحية لكل المصريين الشجعان اللي اتحدوا الظلم والاستبداد وخرجوا بالملايين علشان ينهوا سنين طويلة من الظلم..
والسلام على كل شهدائنا الأبرار اللي ضحوا بحياتهم علشان نعيش في وطن أساسه العدالة والكرامة والحرية..
هنكمل اللي بدأناه في يناير ٢٠١١ لغاية ما نشوف بلد تسعنا جميعا بكل اختلافاتنا.. بلد بتصون كرامة كل مواطن.. وبتتيح لكل إنسان فرص لا تنتهي.. التغيير مش هيتوقف في مصر ولو اتعطل لسنوات.. بالجهد المستمر والتفكير الجماعي والنفس الطويل والأمل اللي مش هينتهي.. هتتغير مصر بكل المصريين.. ولكل المصريين..
ولابد عن يوم معلوم تترد فيه المظالم..
أبيض على كل مظلوم واسود على كل ظالم..
كل سنة وكل واحد شارك في يناير مكمل طريقنا لتغيير بلادنا للأحسن.. حلمنا مستمر.. ادامنا كتيير ومكملين.. نفسنا طويل 
لكل أبطال الثورة المجهولين قبل المعروفين.. فاكرينكم ومش ناسيين.. على بالنا وبندعيلكم.. مكملين.. وحلمنا منتهاش..
