قبل أيام رجل الأعمال هشام طلعت مصطفى وصف بعض الانتقادات والهزار اللي حصل حول اعلان مدينتي بأن اللي وجهوها هما أصحاب “نفوس غير سوية”، وقال كمان “الدولة لازم تطبطب على رجال الأعمال لأن أي رجل أعمال ممكن يقفل أعماله ويعيش بفلوسه طول الفترة الجاية وهو مش قلقان لكن لو حس بعدم تقدير هو مش خسران حاجة”.
في الفيديو ده هنتكلم عن خلفيات رجل الأعمال هشام طلعت، اللي كان عضو لجنة السياسات بالحزب الوطني، واتحكم عليه بالسجن ١٥ سنة في قضية قتل الفنانة سوزان تميم قبل ما يخرج في عفو رئاسي، وده كنموذج لنمط متكرر في بلدنا من زمان من العلاقة بين السلطة والثروة، وده مع كل الاحترام لسكان مدينتي اللي بالطبع هما بعيد عن الكلام ده كله ومرفوض أي اساءة ليهم.
