– محافظة القاهرة أصدرت قرار بيحدد رسوم تصوير الإعلانات والمشاهد السينمائية بشوارع وأبنية وأنفاق وجراجات القاهرة.
– المحافظة بتقول إنه هيتم تحصيل رسوم بواقع 15 ألف جنيه في الساعة مقابل التصوير، وتحصيل رسوم 100 ألف جنيه فى اليوم الكامل مقابل التصوير.
– نقيب المهن التمثيلية أشرف زكي بيقول “مش هندفع حاجة” وبيناشد المحافظ إلغاء القرار أو تخفيض الرسوم عشان تكون مبالغ رمزية، وبيقول إنه دا شيء هيضر بصناعة السينما والدراما بشكل عام.
– في حين المحافظة بتقول إن سبب إصدار القرار يعود لرصد تجاوزات من قبل بعض الأحياء بالمغالاة أو إهدار حق الدولة.
– الموضوع جدلي بين اللي شايف إن الرسوم دي فيها مغالاة، وبين اللي شايف إن الشركات الكبيرة تقدر تدفع، والبعض بيقول إن القرار هيظلم الشركات والأفراد الصغيرين اللي معندهمش إمكانيات لدفع الرسوم دي.
– شاركونا رأيكم في التعليقات حوالين قرار محافظة القاهرة، وايه الحل الأمثل والوسط من وجهة نظركم؟
المصادر