– بنفكركم للمرة الأخيرة بدعوة حضور الجلسة التاريخية للمحكمة الإدارية العليا بقضية تيران وصنافير، بكرة الاثنين، الساعة 11 صباحاً في مجلس الدولة بالدقي .. الأفضل الحضور مبكراً ساعة أو ساعتين على الأقل لضمان دخول القاعة .. اللي عندهم شغل أكيد ده معاد صعب بالنسبالهم، لكن نتمنى كل اللي يقدر يروح.
– الجلسة هيحضرها ممثلي أحزاب، وشخصيات عامة، ومهم جداً يكون فيها حضور شعبي بيدي رسالة واضحة لكل الأطراف داخلياً وخارجياً بالأهمية الوطنية للقضية دي، وكونها مسألة شعبية مش بيد أي سلطة.
– بالقانون القضية علنية وحضور جلساتها مفتوح لأي مواطن مصري، وحضور جلسات الرأي العام مسألة طبيعية في العالم واتكررت كتير في مصر .. غريب جداً إن ناس تقول دعوة حضور جلسة محكمة دي تحريض أو شغب! اللي بيقولوا كده هما اللي بيحرضوا ضد اللي هيحضر.
– منذ بداية الأزمة دي اشتغل مصريين كتير في حملة الرفض، كل واحد قدم اللي يقدر عليه، سواء المحامين بالجانب القانوني، أو السياسيين بمختلف الوسائل، أو كل مواطن داخل مصر وخارجها أرسل وثيقة تثبت مصرية الأرض، أو كل مواطن اتبرع في فلوس كفالات الشباب اللي اتقبض عليهم بسببها .. ومازلنا بندعو كل مصري يتكلم مع اسرته ومعارفه بعد ما يقرا عشان يكون موقفه قوي وكلامه منطقي. متسيبوش حد مش عارف.
– من حق كل مصري شارك في الملحمة دي يفتخر بدوره، ويفخر انه مهما كان اللي هيحصل احنا عملنا واجبنا وأدينا حق أرضنا، وحق شهدائنا اللي سقطوا دفاعاً عنها.
***
السيناريوهات القانونية اللي ممكن تحصل في جلسة حكم الإدارية العليا: http://bit.ly/2jnSBfi
– شرح لحيثيات حكم الدرجة الأولى بطلان اتفاقية تيران وصنافير- http://bit.ly/2dEgXA2
– رأي فريق صفحة الموقف المصري بقضية جزيرتي تيران وصنافير –http://bit.ly/1qtSLl3
– أسئلة تاريخية من فريق صفحة الموقف المصري للسادة المسؤولين –http://bit.ly/1XCMJK3
– حصري: كواليس ماجرى بوزارة الخارجية قبل وبعد التنازل عن الجزيرتين http://bit.ly/1WQ4jf5
– تحليل قانوني وسياسي للأحكام الصادرة ضد الشباب المعتقلين بتهم التظاهر احتجاجاً على الاتفاقية – http://bit.ly/28L6iPy
