الفيديو ده لمواطن مصري ولوالدته قرروا يسجلو رفضهم للتعديلات الدستورية بوسيلة بسيطة جداً، فديو لمدة عشرين ثانية بكاميرا الموبايل.
صحيح مصر فيها تضييق على حرية التعبير لكن ده ميمنعش إنه الناس تحاول بالطرق المتاحة والمناسبة لكل شخص، وده واحدة من الطرق المتاحة.
اتمسك بحقك في رفض التعديلات الدستورية الظالمة، اتمسك بحقك في اختيار رئيسك، اتمسك بحقك في تداول سلمي للسلطة، عبر عن رأيك بالطريقة اللي شايفها مناسبة، وارفض فيه القيام بالتعديلات الدستورية ومد فترة رئيس الجمهورية، وحط معاه هاشتاج #لا_للتعديلات_الدستورية
وابعتلنا اللي هتعمله سواء فيديو أو صورة أو تعليق صوتي وهننشره في صفحتنا. أو نزله بالهاشتاج وهنوصل للفيديو أو للصورة اللي هتنزلها.
اتكلم مع أهلك وصحابك ووعيهم بخطورة التعديلات الدستورية على البلد ومستقبلنا كلنا.. الأمل هيفضل موجود، وكل التحية لعلي ولوالدته صباح اللي بدأو المبادرة.
مشاركة:
