ألف مبروك لعمر عثمان السيد، الشاب المصري اللي حصل امبارح على الدكتوراه في الرياضيات من جامعة فرنسية رغم ان عمره 22 سنة بس.
في قصة عمر بنشوف ازاي كان فارق جدا انه الموهبة لوحدها مش كفاية، لكن انه كمان لقى اللي يكتشفه ويحترمه ويدعمه بشكل علمي، من أول أسرته ومدرسته في ابتدائي، ولحد الأساتذة المحترمين في جامعة القاهرة والجامعة الأمريكية اللي درسوله وساعدوه على تطوير قدراته خارج أي صفة رسمية.
يا ترى فيه كام عمر وسط شباب مصر ملقوش الفرصة دي في نظامنا التعليمي الحالي؟ هل عندنا جهات حكومية بتقوم بالدور ده خارج المبادرات الفردية وخارج التطبيل للظواهر الزائفة زي اللي اتكلمنا عنها سابقا؟
****
ده اللي كتبه الدكتور هاني الحسيني Hany Elhosseiny ، أستاذ الرياضيات بكلية العلوم جامعة القاهرة، عن قصة عمر:
– عمر عثمان السيد (22 سنة) حصل بالأمس على درجة الدكتوراه في الرياضيات من جامعة باريس – ديديرو.
– لجنة المناقسة كانت فيها 7 من كبار أساتذة الرياضيات منهم واحد حاصل على ميدالية فيلدز (Alain Connes).
– تقارير المحكمين بتستخدم تعبيرات من نوع “Exceptionally fine piece of work” (يعني عمل غير عادي) و “résultats remarquables”.
– عمر درس بشكل غير رسمي في كلية العلوم جامعة القاهرة لمدة 3 سنين ونصف من 2009 إلى 2012، حضر مقررات وهو في المدرسة الإعدادية مع د. أحمد الجندي – د. إسماعيل أمين (رحمه الله) – د. طارق سيد أحمد – د. ليلى سويف – د. نبيل يوسف – د. نفرتيتي مجاهد. وفي نفس الفترة درس في الجامعة الأمريكية مع د. وفيق بولس ود. ميشيل هيبرت.
– مدرسين عمر من خامسة ابتدائي لاحظوا موهبته غير العادية في الرياضيات، والمدرسين في مدرسة الملك فهد النموذجية بمدينة نصر وإدارة المدرسة وفروله كل أنواع المساعدة علشان يقدر ينمي موهبته غير العادية.
– أسرة عمر أسرة مثقفة وقدروا إنهم يراعوه ويدعموه.
– في 2012 واحدة من أساتذة l’Ecole Normale Superieure في باريس اتعرفت على عمر بالصدقة (في مدرسة صيفية للتلاميذ الموهوبين في أوروبا) وأقنعت إدارة المدرسة بقبوله وإعطائه منحة دراسية.
– للأسف عمر لم يحصل في مصر إلا على الشهادة الإعدادية، وبالتالي لن يذكر في سيرته الذاتية أي تعليم حصل عليه في مصر.