زي النهاردة كانت بداية حلمنا:
عيش .. بلد مفيهاش جعان، وكل المصريين عندهم الحاجات الأساسية بشكل كافي لحياة كريمة.
حرية .. كلنا مواطنين متساوين أمام القانون بدون تمييز في بلد ديمقراطي، مفيش مصري يتهان من صاحب سلطة، ولا مصري ميقدرش يمارس حرياته الدينية والشخصية.
عدالة اجتماعية .. ميبقاش فيه بين المصريين وبعض الفوارق الطبقية الرهيبة، ونشوف تمييز ايجابي لصالح الفئات الأفقر والأضعف.
مهما اتغيرت الظروف، واختلفت الطرق السياسية، سواء مؤيد أو معارض، أو شاب أو مسن، مهما كانت مهنتك أو أفكارك، أو رؤيتك لايه الوسيلة الأفضل، مين ميحبش يشوف بلده بالشكل ده؟
نتمني الحلم يتحقق، وكل المصريين يشوفوا بلدهم في أحسن حال.
