– أعلنت النهارده فرق الإنقاذ عن استخراج جثة الفتاة الأخيرة من حادثة معدية “منشأة القناطر” بعد اختفاء جثتها وفشل العثور عليها لمدة 7 أيام كاملة.
– فريق الموقف المصري بيقدم خالص العزاء لأسرتها وبندعى لها بالرحمة ونحسبها شهيدة عند ربنا، هي وكل ضحايا الحادث المفجع دا.
– ودي كانت تغطيتنا للحادث:
– ونجحت الضفادع البشرية في العثور على جثمان «شروق ياسر محمد»، 13 سنة، ابنة قرية طليا بمحافظة المنوفية، بعد طلب فرق إنقاذ إضافية من محافظات الجيزة والمنوفية وغيرها، مع مجهودات من الصيادين المتطوعين اللي شاركوا في البحث عن جثة الفتاة المفقودة، واللي كانت انجرفت أكتر من 10 كيلو بسبب التيار.
– مرة تانية حادثة المعدية دي مؤلمة للغاية، وشيء حزين إنه يروح أطفال في السن ده ضحايا للقمة العيش ولأوضاع اقتصادية ومعيشية بائسة، واللي أكيد محتاجين سياسات تنقذهم بتوفير دعم مناسب وتعليم جيد ليهم، ووسائل نقل إنسانية تحميهم من المعديات المتهالكة والخطيرة دي.
– ربنا يرحم شروق ويصبر أهلها وأهل كل اللي ماتلهم أطفال في الحادثة دي، وتنتهي معاناة الأسر الفقيرة وعمالة الأطفال بشكل نهائي.
