قبل شهر بالظبط شفنا الخلاف الكبير بين الحكومة ومسؤولي “غرفة مقدمي الخدمات الصحية” اللي أعلنوا رفض التسعير الحكومي لعلاج كورونا (العزل بالقسم الداخلي بين 1500 و3000 جنيه لليلة، رعاية مركزة 5000 – 7000 جنيه، وحال اشتمالها جهاز تنفس صناعي تزيد 7500 -10 آلاف جنيه لليلة بحد أقصى).
الموضوع فجأة اختفى الكلام عنه خالص، وفضلت نفس الأزمات مستمرة، سواء عدم وضوح أماكن وجود الأسرة الفاضية سواء حكومي أو خاص، وعدم المساواة في الوصول للخدمة حسب المستوى المادي للمريض.
في الفيديو ده بنفتكر اللي حصل، وازاي ده مخالف للدستور والقانون، ولتجارب الدول الأخرى في وقت الطوارئ.
