– الفيديو ده متصور بشكل سري داخل مقر حزب مستقبل وطن في قرية البرمبل بمركز أطفيح محافظة الجيزة.
– الفيديو فيه خلاف بيحصل بين سماسرة أصوات نساء جايين يتفقوا على الشغل مع مسؤولي الحزب، فالراجل قالهم اللي هتشتغل معانا هيا اللي جايبة معاها بطايق بس، فردت عليه واحدة ان كلامك في الاجتماع اللي فات ان المطلوب صور البطايق، وإنكو هتدفعوا ١٥٠ جنيه، وأنا اتفقت مع الناس خلاص كده هيقولو عليا نصابة.
وبعدها بيتكلموا بالتفاصيل عن الاتفاق على وقوف الستات دول قدام اللجان وتجميعهم الأصوات ودفع الفلوس.
– الفيديو مكانه محدد، وبيقولو أساميهم ووشوشهم واضحة، هل أي جهة مسؤولة في الدولة ممكن تتحرك للتحقيق؟
مش إن ناس منهم تروح كبش فدا كإنهم لوحدهم، لكن التحقيق في النمط ده على مستوى مصر كلها ومين مصدر الفلوس دي أصلا.
لكن ده مش هيحصل لإن الواقع اللي كلنا عارفينه للأسف إن كافة الجهات الرسمية والأمنية متواطئة مع الجريمة دي اللي تحولت لفعل ممنهج بكل المحافظات من حزب السلطة الجديد اللي بيزيد مشاعر الإحباط والغضب عند الناس.
*****
– مازلنا بنستقبل فيديوهاتكم وشهاداتكم عن الانتخابات. وهننشر وهيفضل صوت الرقابة الشعبية موجود.
اكتبولنا في الكومنتات أو على رسايل الصفحة أو على الإيميل
almawkef.almasry@gmail.com
