– حسب آخر تصريحات من وزارة الصحة المصرية مصر تسلمت بالفعل ١٠٠ ألف جرعة فقط، ٥٠ ألف من سينوفارم الصيني، و٥٠ ألف من لقاح أوسكفورد استرازينكا.
– بالفعل تلقى القاح حوالي ٣٠٠٠ من الأطقم الطبية، وتم توفيره في كل مستشفيات العزل والصدر، وبعدها وصل إلى ٣٦٣ مستشفى.
– فيه وعود بأعداد أكبر من أنواع مختلفة، آخرها كان اعلان وزيرة الصحة ان الصين قالت انها ستهدي مصر ٣٠٠ ألف جرعة، لكن مفيش جدول زمني معلن محدد بتواريخ وصول الجرعات وتوزيعها.
– بالتأكيد فيه حاليا صعوبة كبيرة على أي دولة في حجز جرعات اللقاح في ظل التنافس العالمي عليها حاليا، لكن برضه مصر بامكانها تعمل اداء أفضل خاصة لو قارنناها بدول أخرى في منطقتنا برضه.
– للأسف مصر مازالت مقارنة بدول العالم في ترتيب متأخر من حيث عدد الجرعات اللي وصلت، أو اللي اتوزعت، ونتمنى الوضع ده يتغير بأقرب وقت مع وصول الشحنات الجديدة، وتقدم خطط الوزارة في التوزيع، خاصة ان عندنا خبرات كبيرة ناجحة زي حملات التطعيم القومية ضد شلل الأطفال، أو مؤخرا حملة ١٠٠ مليون صحة لعلاج فايرس سي اللي أشادت بيها منظمة الصحة العالمية.
– الانفوجراف المرفق معتمد على أرقام متاحة عبر أداة نشرها موقع بي بي سي، هتلاقوها في أول تعليق، تدخل اسم الدولة فيديك عدد اللقاحات اللي اتوزعت بالفعل.
الأرقام فيها بعض التأخير عن الوضع الحالي لانها غالبا بتعتمد بس الأرقام اللي تم ابلاغ منظمة الصحة العالمية بيها رسميا، ودي عملية ممكن تكون متأخرة أيام عن الواقع، لكنها بتدي دلالة مهمة على وضع أي دولة مقارنة بباقي الدول.
*****
المصادر
