– النهاردة بداية التصويت في المرحلة الثانية من انتخابات مجلس النواب، وشفنا كلنا اللي حصل في الجولة الأولى من شراء أصوات، وتزوير وتغيير نتائج في بعض الدوائر، لكن كمان شفنا إنه لولا مشاركة الناس ناخبين ومندوبين، ودعمهم لمرشحين مستقلين ما كانش أبداً هيتم كشف اللي حصل، ومكانش هيبقى فيه حاجة له أساسا.
– كمان شفنا إنه بعض المرشحين المحترمين قدروا يوصلوا لمرحلة الإعادة، وحتى لو كان العدد ده قليل لكن وجوده أفضل من غيابه.
– وللسبب ده فاحنا بنكرر دعوتنا مرة تانية ان كل شخص يفكر وياخد قراره بناء على الظروف في دايرته، لو مفيهاش من يستحق دعمه يبقى ميروحش، لكن لو شايف إن في دايرتك مرشح محترم، مفيد على المستوى المحلي لناسه، وعلى مستوى مصر بامتلاكه فكر سياسي حقيقي، وغير متورط في فساد مالي أو سياسي، لازم نعمل اللي بايدنا وندعمه مهما كانت النتايج.
– وخلينا فاكرين إنه لو استبعدنا الدوائر اللي تم التلاعب في نتائجها، هنكتشف إن أحزاب السلطة زي مستقبل وطن والشعب الجمهوري، اتهزموا في أغلب الدوائر.
– وحتى على مستوى القوائم قائمة “نداء مصر” حصدت في النتايج الرسمية ٣٥٪ من الأصوات، رغم دعايتها الضعيفة، والانحياز الرسمي التام للقائمة الوطنية.
المصريين بيثبتو في كل فرصة وجود قطاع كبير منهم بيدور على أي أمل في التغيير السياسي السلمي حتى لو بهامش إصلاح بس.
*****
– دي بعض اقتراحاتنا للترشح بدوائر الفردي في المرحلة التانية:
أولاً: نواب حاليين:
1- أحمد الطنطاوي / عضو تكتل 25 – 30 / دائرة بندر ومركز كفر الشيخ وقلين / رقم 14 / رمز الشمعة.
وهو أهم نواب المعارضة في البرلمان، عارض بشكل قوي التعديلات الدستورية واتفاقية تيران وصنافير، وقدم مبادرة للإصلاح السياسي في نهاية 2019 ، وتعرض لهجوم شرس بشكل دائم من إعلام السلطة وتحريض ضده بتهم الخيانة وغيرها لمجرد إنه بيمارس صلاحياته ودوره الدستوري الرقابي، وكان في أكتر من محاولة لفصله من المجلس، خاصةً بعد ما قال في مرة داخل البرلمان إنه من حقه يقول إنه لا يؤيد سياسات رئيس الجمهورية وليس راضيا عن أداؤه.
وبالفعل اتعرض أكتر من شخص بيشتغل في فريق عمله للقبض عليه، في إطار قضية تحالف “الأمل”.
– أكتر شيء واضح جدا في استهداف أحمد طنطاوي كانت تغيير دائرته الانتخابية! الدائرة كانت “قلين ودسوق” فاتغيرت واتشال منها دسوق اللي بيحظى بشعبية كبيرة فيها واتضاف مكانها كفرالشيخ وبقت دايرة “قلين وكفر الشيخ”، نظراً لكثافة حجم مدينة وبندر كفر الشيخ، وبالتالي انتخابياً يكون موقفه صعب، خاصة مع نزول 3 مرشحين من مستقبل وطن ضده بحجم مال كبير، بالإضافة لممارسات وضغوط أمنية بتتمارس على العائلات اللي بتدعمه.
– أحمد طنطاوي صفحته عليها كل مواقفه السياسية داخل البرلمان للي مقدرش يتابعها، بننصحكم بمتابعتها، وبنؤيد جدا كل الدعوات اللي أطلقها شباب ومواطني دائرة كفر الشيخ وقلين لدعمه والتصويت له.
2- ضياء الدين داوود: دائرة بندر ومركز دمياط وكفر البطيخ ورأس البر ودمياط الجديدة / رقم 3 / رمز الحصان.
وهو أحد النواب أصحاب الأداء المحترم جداً في المعارضة داخل البرلمان الماضي، عضو تكتل 25 – 30 وأحد معارضي اتفاقيات تيران وصنافير والتعديلات الدستورية.
3- أحمد سلام الشرقاوي: عضو تكتل 25 – 30 / دائرة مدينة المنصورة / رمز الفنار / رقم 7.
4- محمد عبدالغني / عضو تكتل 25 – 30 / دائرة الزيتون والأميرية / رقم 3 / رمز الشمعة.
5- محمد العتماني / عضو تكتل 25 – 30 / دائرة المنزلة والمطرية / رمز البندقية / رقم 2.
6- عبدالحميد كمال / عضو تكتل 25 – 30 / دائرة السويس والأربعين وعتاقة والجناين وفيصل / رمز الكشاف.
7- طلعت خليل / عضو تكتل 25 – 30 / مرشح حزب المحافظين / دائرة السويس والأربعين وعتاقة والجناين وفيصل / رمز عنقود العنب / رقم 14.
8- رضا البلتاجي / نائب مستقل وحكم كرة قدم سابق / رفض التعديلات الدستورية واتفاقية تيران وصنافير / دائرة حلوان والمعصرة / رقم 31 / رمز العصفور.
*****
ثانياً: مرشحين معارضين ومستقلين:
9- أحمد بلال البرلسي / قسم أول المحلة / رمز البندقية / رقم 22.
10- كرم عبدالحليم / مرشح حزب العيش والحرية “تحت التأسيس / قسم ثاني الاسماعيلية / رمز الشاكوش / رقم 49.
11- إسلام عبدالمجيد / مرشح حزب العيش والحرية / بورسعيد / رمز المنبه.
12- أمير الجزار / دائرة منوف وسرس الليان والسادات / مرشح الحزب المصري الديمقراطي الاجتماعي / رقم 7 / رمز القطار.
13- علي سليمان / مرشح حزب التحالف الشعبي الاشتراكي / دائرة عابدين وقصر النيل والأزبكية والظاهر والوايلي / رقم 8 / رمز السفينة.
14- محمد عبدالعليم داوود / مرشح حزب الوفد / دائرة دسوق ومطوبس وفوة / رمز النخلة.
15- تامر سحاب / دائرة التجمع والنزهة والشروق وبدر والرحاب والقطامية / رمز السحاب / رقم 27.
16- أحمد علاء فايد: دائرة التجمع والنزهة والشروق وبدر والرحاب والقطامية / رقم 12 / رمز المنزل.
17- أحمد صلاح عودة / مستقل / دائرة طوخ وقها.
18- الحسيني شاهين / مستقل / دائرة دسوق ومطوبس وفوة / رقم 35 / رمز غصن الزيتون.
19- عماد الحديدي / دائرة منية النصر والكردي والجمالية / رقم 20 / رمز المدفع.
20- محمد بركات / دائرة منية النصر والكردي والجمالية / رقم 11 / رمز الفيل.
21- أكمل قرطام / رئيس حزب المحافظين / دائرة البساتين ودار السلام / رقم 39 / رمز تمثال نهضة مصر.
22- سمر فرج فودة / دائرة مصر الجديدة ومدينة نصر / رمز الغزال / رقم 31.
23- عماد جمعة / دائرة بلبيس / رمز الأتوبيس / مرشح حزب المحافظين.
24- محمد يوسف أبو العطا / دائرة فاقوس وكفر صقر وأولاد صقر / مرشح حزب المحافظين / رمز المدفع.
25- سعيد الوسيمي / دائرة حدايق القبة / رمز الغزال / رقم 13.
*****
– اللي فات ده اجتهادنا على قد ما نقدر في الترشيحات، وحطينا مع كل ترشيح نبذة صغيرة أو صفحة كل مرشح عشان تقدروا تتابعوهم وتشوفوا مواقفهم وبرامجهم، وبالتأكيد في ناس شرفاء في كتير من الدواير، ياريت تدوروا عليهم في دوايركم وتشوفوا المرشحين الحقيقيين والمحترمين اللي مش متورطين في جرايم أو بيقدموا رشاوي للناس أو بيستغلوا حاجتهم أو بيقدموا خطاب طائفي أو عنصري، واحنا هندعمهم ونتكلم عنهم.
– في النهاية كمان حابين نقول إنه إنتخابات البرلمان في بلد زي مصر مش بينتظر منها إنها تعمل تغيير جذري، لكنها محاولات للأفضل، وتعبير عن أصوات مختلفة وحقيقية وزرع للأمل في إنه عندنا بدايل حقيقية عندها رؤية وبرامج وسياسات تطبقها.
