مع بداية المظاهرات طلبنا من أعضاء الصفحة يبعتولنا أي مواد قدروا يصوروها، وجالنا بالفعل عشرات الرسايل دمجناها في الفيديو ده من 4 محافظات القاهرة والإسكندرية والمنصورة والسويس.
– دي المظاهرات اللي الإعلام قال إنها محصلتش، قدامنا بالصوت والصورة، وقدامنا لحظات هجوم قوات الأمن عليهم أو ضرب قنابل الغاز.
– المظاهرات مش هدف، ولو الناس تقدر تعبر عن رأيها بانتخابات نزيهة تسمح بتداول السلطة، ومطمنة لجهات قضائية ورقابية لا يعين الرئيس قياداتها، أكيد مكانش حد هيتظاهر.
– لو لسه موجود ولو عاقل واحد في السلطة الحالية لازم دلوقتي يستجيب للناس، لإن العناد بطريقة “هبني قصور .. هاعمل وأعمل وأعمل”، وطريقة الاعتقالات العشوائية للكل سياسيين وغير سياسيين عمرها ما تجيب استقرار حتى لو نجحت في البداية.
