الفيديو ده نشره المرشح علي خالد خليفة عن نتائج دائرة بولاق الدكرور اللي شهدت نموذج فاضح من التلاعب بالنتايج وإهدار حق الناخبين.
– حكى إنه اتعرض عليه يترشح تبع حزب مستقبل وطن، ومطلوب يدفع فلوس بحيث ٣ مرشحين للدايرة يدفعو ١٠ مليون جنيه ويبقى ضامن الكرسي لكنه رفض، واللي وافق وأخد الكرسي مكانه هوا مرشح الحزب حسام المندوه.
– اللجنة العامة أعلنت إن الحضور ١٢١,٥٠٤ صوت، رغم إن ده بعيد تماما عن أرقام محاضر الفرز.
– الصفحة الرسمية لمحافظة الجيزة نفسها قالت إن غرفة عملياتها سجلت باليوم الأول ٣١ ألف صوت وباليوم التاني ٤٠ ألف، يعني ٧١ ألف صوت، منين ظهرت الزيادة عن الرقم المعلن رسميا ده نفسه بأكتر من ٥٠ ألف صوت!!
– الهيئة الوطنية للانتخابات مأعلنتش في مؤتمرها أرقام كل دايرة، ولا اعلنت أرقام تصويت المصريين بالخارج زي ما كان بيحصل سابقا.
– تم رصد عمليات ضخمة لشراء الأصوات وتصوير البطايق بعدد يصل ل ٥٠ ألف بطاقة، وكل أسماء سماسرة الأصوات تم تجميعها مع أدلة وفيديوهات.
– قال إنه هيواصل اتخاذ الاجراءات القانونية عبر القضاء في ما يخص التلاعب بأعداد الأصوات، وفي ما يخص شراء الأصوات.
*****
