قبل أيام شفنا كلام كتير عن الكوبري الملاصق للعمارات في شارع ترعة الزمر بالجيزة .. في الفيديو ده بنخلص وجهتي النظر.
وزير النقل قال ان ده عمل تنموي مهم جدا لصالح محطة قطارات الصعيد الجديدة في منطقة بشتيل، والعمارات المتضررة إما مخالفة ملهاش حق وإما غير مخالفة هيتم تعويضها .. وفي المقابل السكان بيحكوا عن معاناتهم وضياع فلوسهم وإن معاهم تراخيص رسمية.
اللي ناقص في الصورة هوا عنصر “التفاوض” أو “تمثيل المواطنين” قبل العمل مش بعده، واللي مفروض في النوع ده من المشاكل تحديدا هوا دور المجالس المحلية المنتخبة ذات الصلاحيات. ده اللي ممكن يخلق التوازن لصالح كل الأطراف ويحل كتير من المشاكل الشبيهة في بلدنا.
