تفوق مصري في دورة الألعاب الإفريقية.. تهنئة واجبة

– امبارح انتهت فعاليات دورة الألعاب الأفريقية اللي أقيمت في المغرب، والبعثة المصرية قدمت فيها أداء ممتاز في الرياضات المختلفة.

– مصر تفوقت على 51 دولة مشاركة وحصدت 273 ميدالية، في 23 رياضة مختلفة، وده أكتر من ضعف عدد ميداليات البلد التانية بعدنا اللي هي نيجيريا (حصل على مجموع 127 ميدالية).

– العدد أكبر من اللي حققته مصر في دورة الألعاب السابقة اللي اتعملت في الكونجو سنة 2015، وقتها مصر حصدت 227 ميدالية.

– لو بصينا للميادليات الذهبية تحديدا مصر السنادي حصلت على 102 ميادلية، وده أعلى من أعلى رقم حصلنا عليه سنة 1991، لما كان العدد 90 ميدالية ذهبية.
– عندنا 330 لاعب مشارك في البعثة المصرية، شاركوا في 24 رياضة، منهم 22 رياضة أولمبية.
البطولة دي مهمة عشان الفائزين فيها بيتأهلوا للمشاركة في دورة الألعاب الأولمبية اللي هتتعمل في طوكيو السنة الجاية، وفيه 15 لعبة مؤهلة للأولمبياد.

*****تميز المصريين في السباحة ورفع الأثقال

– اللعيبة المصريين حصلوا على 56 ميدالية في رفع الأثقال: سارة سميرة – حلمية عباس – رجب عبدالله – محمد عبدالسلام – كريم أبو كحلة – عبد الرحمن السيد – محمد محمود – محمد عبد العليم – رانيا محمود – أحمد سعد.. كل واحد من الأبطال دول فاز بـ3 ميداليات ذهبية في رفع الأثقال.

– في السباحة جمع أبطال المنتخب المصري 41 ميدالية في مسابقات متنوعة:

– هانيا مورو: حصلت على 7 ميداليات في السباحة، منها 4 ميداليات ذهبية، و3 فضية.

– فريدة عثمان: حصدت ميداليتين ذهبيتين في السباحة، و6 ميداليات فضية.

– على خلف الله: 7 ميداليات، ذهبية، و6 ميداليات فضية.

– محمد حسن: 8 ميداليات، 2 ذهبية، و5 فضية، وواحدة برونزية.
– مروان القماش: 5 ميداليات، 2 ذهبية، و2 فضية، وواحدة برونزية.

– أحمد محمود: 3 ميداليات ذهبية، وواحدة برونزية.
*****

بنشكر كل أبطالنا اللي شاركوا في البطولة، وكل أصحاب الميداليات والإنجازات، وحابين نشكر بالاسم اللي حققوا ذهبيات:

– رفع أثقال: 3 ميداليات أحمد سعد – 3 ميداليات رانيا محمود – 3 ميداليات محمد إيهاب – 3 ميداليات كريم أبو كحلة – – 3 ميداليات محمد سليم – 3 ميداليات حليمة عباس – 3 ميداليات رجب عبد الحي 3 ميداليات محمد عبد الرحمن 2 ميدالية سارة سمير – 2 ميدالية سمر حبشي – 2 ميدالية جابر فرحان –

– في السباحة: نور الجندى – 4 ميداليات لهانيا مورو – ميداليتين لأحمد أكرم – ميداليتين لفريدة عثمان – ميدالية مروان القماش – ميدالية لمحمد سامي – ميدالية لمنتخب مصر للرجال – عبد الرحمن سامح – علي خلف الله.

– في الجودو: علي عبد المعطي – عبد الرحمن محمد – علي حازم – رمضان درويش

– في الطائرة الشاطئية: فريدة العسقلاني – ودعاء الغباشي

– في التايكوندو: ميسون إيهاب – هداية ملاك

– سباق الزوجي المختلط: دارين حجازي – وعبد الخالق البنا

– تنس طاولة: عمر عصر – دينا مشرف

– فردي السيدات “ترايثلون”: بسملة السلاموني

– شطرنج: أحمد عدلي – شروق وفا – باسم أمين

– كاراتيه: مالك جمعة – ياسمين عطية

– الرماية: ماجي العشماوى – أحمد قمر

– سلاح السيف: علاء الدين أبو القاسم – ندى حافظ

– ألعاب قوى: شهاب عبد العزيز – مصطفى الجمل

– الجمباز: ٣ ميداليات فرح أحمد – نانسى طمان – علي زهران – مندى محجوب – كريم أيمن

– ريشة طائرة: ضحى هاني وهادية حسني

– الملاكمة: عبد الرحمن عرابي – يسري رزق

– مصارعة رومانية: هيثم فهمي – محمد إبراهيم كيشو – عبد اللطيف منيع

– مصارعة حرة: حسام المرغني – خالد عمر

– تنس أرضي: محمد صفوت – ميار شريف – رنا أحمد

– قوس وسهم: يوسف طلبة وريم منصور – شريف محمد

حققنا ذهبية على مستوى الفرق في: الشطرنج – الشطرنج الخاطف سيدات – تنس طاولة رجال وسيدات – تنس سيدات – سلاح السيف رجال وسيدات – سلاح الشيش رجال وسيدات – القوس والسهم – الجمباز

فريق الموقف المصري بيبارك لكل الفائزين والمشاركين في البعثة المصرية، وبنتمنى لهم التوفيق في البطولات القادمة، ولازم يتقدم ليهم الدعم والتشجيع المناسب شعبيا ورسميا لاستمرار تألقهم، وكمان تقدير ودعم الاتحادات والأجهزة الفنية اللي أثبتت نجاح خاص رغم ضعف الامكانات.