بقالنا خمس سنين مستنيين نبقى أد الدنيا.. مش عارفين حتى نلحقها
رسالة وصلتنا من المواطن شكور الكاشف بيقول فيها:
“احنا عايزين ضمانات.. ضمانات.. كفاية حكم الفرد، كفاية السلطة المطلقة في إيد السلطة التنفيذية، كفاية توغل السلطة التنفيذية في الحياة المدنية.. كفاية.. كفاية يا جماعة لو سمحتم.. كفاية.. تعبنا.. زهقنا.. احنا مش واخدين بالنا ان احنا عايشين في دكتاتورية ولا ايه؟ يعني ايه الكلمة كبيرة؟ هوا فيه كده؟ احنا بنسمع نفس الكلام من أيام عبد الناصر.. بقالنا سبعين سنة، وصلنا لإيه.. وصلنا للنقطة اللي احنا فيها دلوقتي.. بقالنا اكتر من خمس سنين مستنيين نبقى أد الدنيا، مش عارفين حتى نلحقها”
*****
عبر عن رأيك بالطريقة اللي شايفها مناسبة، بعض المصريين اختارو ينشرو فيديو أو صور ليهم .. وممكن برضه تستخدم أي طريقة تانية تشوفها أمان أكتر ليك: مثلا فيديو من ضهرك، أو صوتك على فيديو والموبايل بيصور حاجة تاني زي صورة من بلكونة البيت، أو تسجيل صوتي، أو تكتب لا لتعديل الدستور على ورقة تداري بيها وشك، أو أي فكرة تانية تحبها.
الصيغة دي هيا اللي كتيرمن المصريين بدأوا يعملو فيديوهاتهم بيها، ممكن تقولها او تغيرها:
أنا المواطن المصري (فلان) أرفض تعديل الدستور، وأرفض الاعتداء عليه، المادة 226 من الدستور المصري تقول أنه لا يجوز تعديل المواد الخاصة بإعادة انتخاب رئيس الجمهورية.
*****
بأي طريقة تحبها اتمسك بحقك في رفض التعديلات الظالمة.
اتمسك بحقك في اختيار رئيسك وعدم مد فترة الرئيس بعد نهاية مدته.
اتمسك بحقك في رفض اهدار أموالك بإعادة مجلس الشورى تحت اسم الشيوخ.
اتمسك بحقك في قضاء عنده ولو أقل قدر من الاستقلال مش الرئيس يختار النائب العام وكل قيادات القضاء.
استخدم الطريقة اللي تناسبك وحط معاها هاشتاج #لا_لتعديل_الدستور
وابعتلنا اللي هتعمله على الانبوكس او ايميلنا almawkef.almasry@gmail.com
أو انشره على صفحتك الشخصية مع الهاشتاج، وهنوصلها، وهننشرها عندنا.
اتكلم مع أهلك وصحابك ووعيهم بخطورة التعديلات الدستورية على البلد ومستقبلنا كلنا.. الأمل هيفضل موجود طول ما المصريين الجدعان موجودين.
*****
شرح للتعديلات الدستورية اللي وافقت عليها اللجنة العامة بمجلس النواب: https://bit.ly/2Sc1sDk
*****
مشاركة:
