– هنأت السفارة الألمانية بالقاهرة من خلال صفحتها الرسمية على فيسبوك الباحثة المصرية سارة حجي، على فوزها بجائزة “ريشتسينهاين” لـ أفضل بحث عن السرطان في ألمانيا.
– سارة درست البكالوريوس في تخصص الصيدلة والعلوم الحيوية بالجامعة الألمانية بالقاهرة، وبتكمل دراساتها العليا بجامعة هايدلبرغ الألمانية.
– فريق صفحة الموقف المصري بيبارك لسارة حجي وبيتمنى لها كل التوفيق في القادم، لأنها نموذج مشرف لكل المصريين في الخارج.
– بحث سارة خطوة جيدة جداً في طريق محاربة مرض السرطان اللعين، لأنها اكتشفت إن تأثير الهرمونات الجنسية “ليس مقتصرًا فقط على الأعضاء الجنسية، ولكن على أعضاء أخرى مثل الأمعاء”، ودا لأن الهرمونات دي بتذهب إلى الخلايا الجذعية في الأمعاء وتنقسم، مما يؤدي إلى تطور في حجم الورم، والدراسات اللي قبل كده مكنتش بتربط بين الهرمونات دي وحجم الورم.
– نتائج بحث سارة هتسمح بتخصيص علاجات بشكل أفضل للتأثير على سلوك الخلايا الجذعية أثناء المرض، والتحكم في ميلها إلى الانقسام.
– بحث سارة كمان فاز بمنحة لمركز في أمريكا لاستكمال العمل على بحثها بسبب النتائج اللي توصلت لها واللي نشرت في مجلات علمية مرموقة.
– مش هنمل من التذكير إن عندنا كفاءات وعقول نابغة في مجالات متعددة، محتاجين فرص ورعاية ودعم عشان يقدروا يفيدوا البلد وناسها بل والبشرية كلها.
– كمان لازم نفكر إن البحث العلمي حالياً مش شيء على هامش الدول بالعكس، مفيش تطور وتقدم بدون بحث علمي، والاستثمار فيه وفي الباحثين بيحسن حياة دول وشعوب.
– مرة تانية بنبارك لسارة وفرحانين بإنجازها اللي هيساعد العالم في محاربة مرض السرطان.
*****
المصادر