فيديو سجلة الأستاذ خالد داوود Khaled Dawoud رئيس حزب الدستور السابق، وعضو الحركة المدنية الديمقراطية ضمن حملة بدأتها الحركة بعد ما طالبت بإن الاعلام الحكومي اللي من فلوس كل المصريين يتيح فرص متساوية لرافضي التعديلات برضه ومحدش رد.
*****
في الفيديو الأستاذ خالد بيشرح إننا بنتكلم عن مبدأ إن مصر تكون (دولة مؤسسات)، يعني يتم التعامل فيها مع أي رئيس جمهورية انه منصب يخضع للمحاسبة والمسائلة، مش عودة لعصر الفرد الواحد اللي مش هيسيب السلطة أبدا الا بالموت أو بطرق غير انتخابية زي السادات ومبارك.
دولة فيها توازن سلطات بين البرلمان والرئيس والقضاء، وأي محاولة للهيمنة على كل هذه السلطات عودة لعشرات السنوات. عشان كده دور الدستور يحمي حقوقنا كلنا.
الدولة اللي بتعتمد على فرد واحد وتنهار لو اختفى هي بالتأكيد دولة فاشلة!
*****
