– النهارده انتهت مباراة منتخب مصر لليد أمام منتخب ألمانيا بفوز منتخبنا بنتيجة 31 – 26، وبكده يتأهل منتخب مصر لنصف نهائي الأوليمبياد كأول فريق عربي وإفريقي يصل للمرحلة دي في كرة اليد في تاريخ الأولمبياد من سنة 1988.
– مبروك للأبطال اللي مشرفينا دايمًا ورافعين راسنا باستمرار، ومنتظرين ميدالية مستحقة في لعبة مصر متميزة فيها فعلًا.
– شكرًا لكل الأبطال اللي مشرفينا في البطولة دي، كريم هنداوى – محمد عصام الطيار – محمد على – عمر الوكيل “بكار” – يحيى الدرع – على زين – حسن وليد قداح – احمد هشام “دودو” – سيف الدرع – يحيى خالد – أحمد الأحمر – محمد هشام سند – ابراهيم المصرى – محمد ممدوح هاشم – وسام سامى نوار – أحمد عادل.
– وشكر كبير وخاص للحارس كريم هنداوي (كاتونجا) اللي عمل ماتش تاريخي النهارده قدام ألمانيا وكان سبب رئيسي ومباشر في انتصار اليوم.
– المباراة الجاية في نصف النهائي قدام بطل العالم فرنسا يوم الخميس القادم في العاشرة صباحاً بتوقيت القاهرة، كل الدعم والتحية والدعوات لأبطال كرة اليد.
