في البوست ده بنوجه دعوة لكل شخص ممكن يكون اشتغل في أعمال المقاولات اللي تحت اشراف الهيئة الهندسية أو مع مؤسسات الجيش المختلفة، تعالى احكي تجربتك، سواء هنا في التعليقات أو لو تفضل بدون اسم ابعت في الانبوكس أو على الايميل.
– أعداد ضخمة من المقاولين والمهندسين والموردين والعمال اشتغلوا في مشاريع كتير جدا بالفترة الماضية، وأكيد كل واحد من مكانه شاف جانب من الصورة سواء من وجهة نظره إيجابي أو سلبي.
– الفيديو الأخير للفنان والمقاول محمد علي اتكلم عن آلية اسناد أعمال مقاولات الوزارات المدنية للهيئة الهندسية، وبيقول ان الهيئة ومؤسسات الجيش بياخدوا نسبة من الميزانية اللي بتستلمها من الوزارات، وان هوا بنفسه شارك ببناء مراكز شباب زي الجزيرة وزينهم، وكمان بنى مقر المحكمة الاقتصادية.
– كمان انتقد سابقا عن أمور زي تأخير المستحقات، تدخل مباشر من ظباط في الأعمال حتى لو ظباط من خارج الهيئة الهندسية أصلا، وزي التنسيق المسبق حول تغيير الحسابات لتجنب رقابة الجهاز المركزي للمحاسبات، وزي البذخ والاهدار المبالغ فيه ببعض الانشاءات.
– في المقابل ناس تانية قالت ان عندها ردود عليه، وانها بشكل شخصي مرت بتجارب إيجابية جداً، وبرضه البعض رد عليهم انتو بتقولو كده عشان شغلكو تحت الهيئة الهندسية ميتضرش.
*****
بنطلب من الكل يقول شهادته وتجربته من موقعه، ونحاول قدام المصريين نشوف صورة كاملة بإيجابياتها وسلبياتها، ونقدم نموذج للشراكة الشعبية.
