– النهاردة بتبدأ المرحلة الأولى من انتخابات مجلس النواب، اتكلمنا قبل كده عن مشاكل الانتخابات دي بمختلف جوانبها، من أول قوانين الانتخابات اللي مخلية نص المجلس ييجي بنظام القائمة المغلقة المطلقة، وإنه بيهدر الأصوات وبيخلي عمليا مفيش إلا قائمة واحدة العامل الرئيسي في تشكيلها هوا الأجهزة الأمنية، ومعروف مسبقا إنها هتكسب.
التفاصيل هنا:
**************************
– ده مش معناه إنه مفيش أي حد كويس في القائمة، بالعكس بعض الأسماء نتوقع منهم دور سياسي جيد، لكنهم أقلية جداً، وهيبقو محكومين بضغوطات أمنية كتيرة جداً.
– لكن بعيداً عن نظام القوائم، عندنا 284 مقعد بنظام الفردي، وزي ما قلنا سابقا ده مسؤوليتك الشخصية، كل مواطن يقدر يشوف هل عنده في دايرته مرشح يثق من سيرته الذاتية ومواقفه السياسية، ولو المرشح ده في دايرتك اعمل اللي عليك واديه صوتك مهما كانت النتائج.
– عوامل الاختيار أولها الأداء المحلي، إنه ميكونش معروف بقضايا فساد، أو بيدفع رشاوى انتخابية، ومتواجد وسط أهله.
– مهم ميكونش الاختيار على أساس محلي فقط (نائب الخدمات) بل اسأل عن مواقفه من القضايا السياسية الكبيرة اللي حصلت بالسنوات الماضية زي تيران وصنافير، أو التعديلات الدستورية.
– في البوست ده هنقدم بعض النماذج المقترحة لمرشحين محترمين، حسب ما جاء من مواقفهم السابقة، أو من ترشيحات أحزاب معارضة، أو من رسائل أعضاء الصفحة، وبالتأكيد مش دول وحدهم اللي يستحقوا الدعم، دوروا عليهم وادعموهم وابعتولنا عنهم.
*****
أولاً: نواب حاليين قدموا أداء مشرف بالبرلمان سواء في المواقف الهامة زي رفض اتفاقية تيران وصنافير ورفض التعديلات الدستورية، أو قدموا جوانب من الأداء الرقابي والتشريعي والخدمي المحترم:
1- أحمد الطنطاوي / عضو تكتل 25 – 30 / دائرة بندر ومركز كفر الشيخ وقلين.
2- هيثم الحريري / عضو تكتل 25 – 30 / دائرة محرم بك وكرموز ومينا البصل.
3- ضياء الدين داوود / عضو تكتل 25 – 30 / دائرة بندر ومركز دمياط وكفر البطيخ ورأس البر ودمياط الجديدة.
4- محمد عبدالغني / عضو تكتل 25 – 30 / دائرة الزيتون والأميرية.
5- أحمد الشرقاوي / عضو تكتل 25 – 30/ دائرة مدينة المنصورة.
6- محمد العتماني / عضو تكتل 25 – 30 / دائرة المنزلة والمطرية.
7- عبدالحميد كمال / عضو تكتل 25 – 30 / دائرة السويس والأربعين وعتاقة والجناين وفيصل.
8- طلعت خليل / عضو تكتل 25 – 30 / مرشح حزب المحافظين / دائرة السويس والأربعين وعتاقة والجناين وفيصل.
9- محمد فؤاد / مرشح عن الحزب المصري الديمقراطي / دائرة العمرانية والطالبية.
10- محمود عزت أبو عزوز / عضو تكتل 25 – 30 / دائرة بندر ومركز بني سويف.
*****
ثانياً: مرشحي أحزاب أو مستقلين:
11- كرم عبدالحليم / مرشح حزب العيش والحرية “تحت التأسيس / دائرة الإسماعيلية.
12- أشرف عبدالونيس الدلجاوي / دائرة بندر ومركز الفيوم / مرشح حزب العيش والحرية “تحت التأسيس”.
13- وفاء عشري / مركز ومدينة اسوان وابو سمبل ودراو / مرشحة حزب العيش والحرية “تحت التأسيس”.
14- إسلام عبدالمجيد / مرشح حزب العيش والحرية / بورسعيد.
15- أحمد جمعة عنتر / محامي حر ومرشح الحزب المصري الديمقراطي في دائرة بولاق الدكرور بالجيزة.
16- حسام حسن الخشت / دائرة أبنوب والفتح وساحل سليم والبداري / مرشح حزب المحافظين.
17- أمير الجزار / دائرة منوف وسرس الليان والسادات / مرشح الحزب المصري الديمقراطي الاجتماعي.
18- أيمن الصفتي / دائرة سنورس وطامية / مرشح الحزب المصري الديمقراطي الاجتماعي..
19- علي سليمان / مرشح حزب التحالف الشعبي الاشتراكي / دائرة عابدين وقصر النيل والأزبكية والظاهر والوايلي.
20- سحر الغرياني / مرشحة حزب العدل / دائرة الرمل.
21- بسام حماد / دائرة أبو تيج وصدفا والغنايم / مرشح الحزب المصري الديمقراطي الاجتماعي.
22- علي حسين القاضي / دائرة الهرم وأكتوبر وزايد والواحات / مرشح الخزب المصري الديمقراطي الاجتماعي.
23- أحمد عبداللاه / دائرة بندر ومركز سوهاج وسوهاج الجديدة وجزيرة شندويل / مرشح الحزب المصري الديمقراطي الاجتماعي.
24- كمال السلواوي / مرشح حزب العدل / دائرة مركز أسوان / رمز الشعلة / رقم 9.
25- يوسف العوال / مرشح حزب العدل / دائرة مركز قنا / رمز الشعلة / رقم 18.
26- عبدالناصر مؤمن / مرشح حزب المحافظين / دائرة القوصية ومنفلوط وديروط / رمز الأتوبيس / رقم 17.
27- أشرف نجيب عبدالملاك / مرشح حزب التحالف الشعبي الاشتراكي / دائرة القوصية ومنفلوط وديروط / رمز أبو الهول / رقم 28.
28- محمد طه غريب / مرشح حزب العدل / دائرة بندر المنيا / رمز العصفور / رقم 31.
29- حسين جلوي / دائرة سمالوط / مرشح حزب المحافظين / رمز غصن الزيتون / رقم 28.
30- نصر الزغبي / دائرة اطسا / مرشح حزب العدل / رمز الطائرة الهليكوبتر / رقم 18.
31- همت حجازي
32- أحمد بلال البرلسي / مدينة المحلة الكبرى.
33- عمانوئيل عاطف فوزي / دائرة سمالوط / مستقل.
34- محمد عبدالعليم داوود / مرشح حزب الوفد / دائرة دسوق ومطوبس وفوة.
35- أحمد إبراهيم بهادر / دائرة طما وطهطا وجهينة / مستقل.
36- إبراهيم حسين شحاتة / دائرة الرمل / مستقل.
37- تامر سحاب / دائرة التجمع والنزهة والشروق وبدر والرحاب والقطامية.
38- أحمد صلاح عودة / مستقل / دائرة طوخ وقها.
*****
– اللي فات ده اجتهادنا على قد ما نقدر في الترشيحات، وحطينا مع كل المرشحين تقريبا نبذة صغيرة أو صفحة كل مرشح عشان تقدروا بنفسكم تتابعوهم وتشوفوا أفكارهم وبرامجهم ومواقفهم السياسية وتقتنعوا بيهم، وطبعا وارد حد يشوف حاجة غابت عننا.
– وبالتأكيد في ناس شرفاء في كتير من الدواير، ياريت تدوروا عليهم في دوايركم وتشوفوا المرشحين الحقيقيين والمحترمين اللي مش متورطين في جرايم أو بيقدموا رشاوي للناس، أو بيقدموا خطاب طائفي، وعندهم مواقف سياسية محترمة، واحنا هندعمهم ونتكلم عنهم.
– في النهاية كمان حابين نقول إنه مفهوم طبعا ان إنتخابات البرلمان في وضع زي ده مش بينتظر منها إنها تعمل تغيير جذري، لكنها محاولات للأفضل، وتعبير عن أصوات مختلفة وحقيقية، وزرع للأمل في إنه عندنا بدايل حقيقية عندها رؤية وبرامج وسياسات تطبقها، ولو اتغيرت الأوضاع السياسية في المستقبل لوضع فيه انفتاح للمجال العام ولضمانات نزاهة كاملة للانتخابات الكوادر السياسية دي هيا اللي هتفرق في نجاح التجربة، زي بالظبط ما كتير من اللي قادوا العمل السياسي في فترة الانفتاح بعد ثورة يناير كانوا اتدربوا واتعرفوا من أيام برلمانات مبارك.
