– الفيديو ده نشره المرشح الدكتور أحمد فاروق العزب بدائرة حدائق القبة، وبيعرض فيه كل محاضر الفرز الأصلية، اللي عليها توقيعات القضاة وختم الهيئة الوطنية، ل ٥٤ لجنة هما كل لجان الدائرة.
– الأوراق تظهر انه حصل على اجمالي ٨٩٩٠ صوت، ومنافسه اللي دخل الاعادة حسين أبوجاد حصل على ٥١٠٧ صوت، لكن المفاجئة إنه اللجنة العامة أعلنت ان ابوجاد حصل على ٩٣٣٥ صوت!!
– بيقول أنا هاخد بحسن النية وان ده خطأ جمع غير مقصود والقضاة بقالهم ٤٨ ساعة مناموش، وقدمت شكوى رسمية بالمحاضر للهيئة الوطنية على أمل ان النتيجة تتصلح، ولو ده محصلش ملجأ للقضاء الإداري.
– وصلتنا اكتر من رسالة بشهادات من الدايرة دي تحديدا، اللي مش بس حصل فيها وقائع شراء أصوات وطرد مناديب للمرشحين، لكن حصل تغيير كبير بالنتيجة.
– وباقي أرقام محاضر الفرز اللي مش مذكورة في الفيديو هيا ان المرشح المستقل سعيد الوسيمي أخد حوالي 7200 صوت، بينما سيد نصر مرشح مستقبل وطن كان واخد حوالي 6000 صوت.
في الجمع حصلت المفاجأة وبقى أعلى الأصوات هوا سيد نصر 9835 ويعيد قصاد حسين أبوجاد مرشح حزب مصر الحديثة، بينما الاتنين المستقلين خسرو من الجولة الأولى.
– الدكتور أحمد فاروق بيقول في الفيديو انه بيدافع عن حق الناس قبل حقه، وان ده مش عشان الكرسي، ده عشان رأي الناس وعشان حالة فقدان الثقة عند الشباب، وبيقول انه واثق ان اتجاه الدولة اتغير ضد الفساد وانه هياخد حقه بالقضاء.