الموقف المصري | Egyptian Situation

من النهاردة لحد يوم ٢٥ أكتوبر صفحة الموقف المصري تدعو أعضائها وكل المصريين لبدء حملة مكثفة لدعم المستشار هشام جنينة.

إيه اللي هيحصل ٢٥ أكتوبر؟
ده يوم جلسة النطق بالحكم في القضية اللي رفعها المستشار للطعن على قرار الرئيس عبدالفتاح السيسي بعزله.
فريق الصفحة تواصل مع سيادة المستشار ورحب جداً بتضامننا، وسجل لنا سلسلة فيديوهات حصرية للصفحة حول قضيته وعن الفساد، هننشرها يومياً خلال الفترة القادمة.
*****

– من حوالي شهر المستشار جنينة ألقى مرافعة ختامية تاريخية قدام رئيس المحكمة المستشار سامي درويش، نائب رئيس مجلس الدولة، ونشرنا أجزاء منها بصفحتنا وبندعو الجميع لإعادة قرائتها: http://bit.ly/2eqfeOq
– يوم ٢٥ هيتحكم إما لصالح المستشار بعودته لمنصبه، وإما ضده بتثبيت قرار إقالته، والطريق لسه طويل لأنه أيا كان الحكم دي لسه أول درجة.
ممكن حد يقول ان ده شأن فيه جانب سياسي كبير، ومعقولة تتصوروا إن رفع قضية ممكن يحل المشكلة؟ .. الحقيقة إن ده كلام صحيح، وعشان كده تحديداً احنا بنتكلم هنا.. لو دي قضية عادية والمستشار متهم بخناقه مع جيرانه أو مخالفات مرور مثلا مكانش حد اتكلم، لكن دي مش قضية عادية أبدا، وبالتالي بنحاول نستخدم كل الوسائل السلمية المتاحة لتقوية موقفنا بيها.

– احنا بندعو كل القوى السياسية المصرية، كل الأحزاب والتيارات والشخصيات العامة، لإعلان مواقفهم بالقول والعمل دعماً لقضية المستشار جنينة.

– القضية مش شأن شخصي لجنينة، دي تخص كل مصري ومصرية، عشان كده مش معقول نفضل ناسيينها، ونسيب المستشار يحارب لوحده لحد يوم ٢٥ أكتوبر لما نتفاجيء بالحكم.
– لازم كلنا نشارك .. الحملة الأونلاين هتركز على الكتابة والتدوين عن القضية وعن مكافحة الفساد بمصر وده على هاشتاج #ادعم_جنينة

لكن عايزين نفكر سوا كمان في أفكار عملية غير الانترنت لدعم القضية والضغط لصالحها .. بنطلب من كل أعضاء الصفحة يقترحوا ويناقشوا إيه الوسائل الأنسب في رأيهم .. اكتبولنا في التعليقات أو ابعتوا على ايميل الصفحة:

*****

بوستات سابقة عن الموضوع:
إقالة هشام جنينة – http://bit.ly/2aC0YkP
تعليق على الحكم الصادر ضد المستشار جنينة – http://bit.ly/2c6qnR5