– حاليًا بيعاني أهلنا في أسوان من انتشار التعابين والعقارب بعد الأمطار والسيول اللي ضربت المحافظة في اليومين اللي فاتوا، وللأسف في 3 حالات وفيات وأكتر من 400 إصابة بلدغات العقارب والثعابين لحد دلوقتي، ربنا يرحمهم ويصبر ذويهم.
– وزارة الصحة قالت إنه في محافظة أسوان بتتوفر 3 آلاف جرعة من الأمصال المضادة للدغات الثعابين والعقارب، وإنه هيتم إضافة كميات جديدة من الأمصال دي في جميع المستشفيات والوحدات الصحية.
– في البوست ده هنقدم مجموعة من النصايح الطبية جمعناها حوالين التعامل السليم في حالة التعرض للدغة ثعبان أو عقرب، وربنا يحفظ الجميع.
– بداية التزم بأقصى درجات الوقاية وارتدي أحذية مغلقة وطويلة، وملابس مغلقة للوقاية من لمسات الثعابين والعقارب، وابتعد عن أماكن الشقوق في الجبال وتجمعات الأحجار لأنها مكان لاختباء العقارب والثعابين.
– في حال التعرض للدغة من ثعبان أو عقرب توجه بأسرع وقت لأقرب مستشفى أو وحدة صحية.
– متضيعش الوقت في مطاردة الثعبان ومحاولة قتله، ممكن الوقت ده تقدر تسعف فيه المصاب وتنقذ حياته، وممكن تصور الثعبان لو قدرت عشان الطبيب يتعرف على النوع بتاعه.
– يستحسن إنه المصاب ميتحركش كتير، ولو لابس أي اكسسوارات يقلعها لاحتمال الانتفاخ.
– في حال الإصابة بلدغة عقرب، هتحس بوخزة أو حرق في مكان اللدغة، أو صعوبة تنفس، أو رؤية مزدوجة للأشياء، وتشنج الحنجرة وزيادة ضربات القلب، وعدم القدرة على التبول، وزيادة إفرازات اللعاب.
– في حالة العقارب اغسل مكان الإصابة بالمياه والصابون في أسرع وقت، وضع كمادات باردة على مكان الإصابة.
– لا تستهلك أي أكل أو مشروب بعد الإصابة، وأسرع في التوجه لأقرب وحدة صحية لتلقي المصل المضاد للدغات العقارب أو الثعابين.
– لف مكان اللدغ بشكل جيد بحوالي 10 سنتيمترات بعيدًا عن موقع اللدغة نفسها، يجب الحرص أن يكون الرباط هينا وليس مربوطًا بشدة، لأنه قد يعيق تدفق الدورة الدموية ما يؤدي لبتر العضو.
– لا تستخدم أي مواد كيميائية على مكان اللدغ.
– لا تمتص السم بالفم أبدًا، ولا تفتح الجرح، ولا تتناول أي مشروب فيه كافيين.