المحامي عمرو الخشاب نزل الفيديو ده على صفحته في بث مباشر من ساعتين بيشتكي فيه من منع المحامين من الدخول للحضور مع المعتقلين في محكمة زينهم، من ضمن الكلام اللي قاله المحامي عمرو الخشاب:
– حق الدفاع مكفول لكل متهم بعيدا عن التوجه السياسي
– من ضمن الممنوعين أعضاء في مجلس نقابة المحامين
– المحاماة حق ودفاع لكل الناس
– نطالب النائب العام ونقيب المحامين بالتدخل
– ولا محامي حاضر في التحقيقات مع المعتقلين
– دخلوا المحامين محكمتهم، واسمحولنا اننا نحضر مع المتهمين
– بنقول لكل جهات الدولة، إلا الدفاع عن المتهمين وحق الدفاع
– بنناشد محامي مصر القدوم لمحكمة زينهم لمساعددة المحامين
– احنا واقفين ممنوعين بقالنا ساعتين وهنفضل واقفين ومش خايفين
– لازم المحامين تدخل المحكمة علشان تؤدي دفاعتها لأن دا حق أساسي للمواطن
*****
اللي بيحصل من منع للمحامين من الحضور مع المعتقلين، كارثة قانونية، وأسلوب لا يمت للقانون ولا للعدالة بصلة، وخطأ بيغذي الغضب لدى أسر المعتقلين اللي عاوزين يطمنوا عليهم من وقت الاعتقالات الكبيرة اللي حصلت يومي الجمعة والسبت.
نطالب النائب العام بالتدخل الفوري لتمكين المحامين من الحضور مع المعتقلين، التقاضي العادل والدفاع عن أي معتقل وتمثيله أمام جهات التحقيق حق أساسي لا يمكن التعدي عليه.