الفيديو ده مقطع من مظاهرة حصلت امبارح أمام مقر الحزب المصري الديموقراطي الاجتماعي، كان ممثلي الأحزاب والحركات مجتمعين فيه، ولما جالهم خبر موافقة البرلمان نزلوا وحاولوا التوجه إلى ميدان طلعت حرب.
– في الفيديو يظهر هجوم قوات الأمن عليهم، والاعتداء مفرقش بين شباب وكبار كما يظهر في اللي حصل مع حمدين صباحي.
– وخارج الفيديو تم الاعتداء بالعصي الكهربائية على د.عبدالجليل مصطفى، منسق الجمعية الوطنية للتغيير سابقا، وتم محاصرة خالد علي المرشح الرئاسي السابق وإجباره على المغادرة.
– امبارح اتقبض على د.يحيي القزاز، أستاذ الجيولوجيا وعضو حركة ٩ مارس، وعلى الكاتب الصحفي الكبير جمال الجمل.
– لسه ٨ شباب منهم ٤ صحفيين محبوسين في قسم الجمالية، منذ تم القبض عليهم أول أمس بمظاهرة النقابة.
– قبل ساعات انطلقت حملة فجراً شملت ٨ على الأقل من ناشطي الأحزاب اتقبض عليهم من بيوتهم، ومنهم إسلام مرعي أمين تنظيم الحزب المصري الديموقراطي.
*****
من حوالي سنة مئات الشباب نزلوا واتعرضوا للضرب والسجن لما كانت الاتفاقية لسه فكرة، النهاردة بعد ما بقت حقيقة المقاومة لازم تزيد بكل الوسائل، سياسيا وشعبيا، وكمان قضائياً لسه فيه مسارات باقية وهنشرحها.
المهم إننا منسكتش ونعمل كل ما بوسعنا لآخر لحظة.
كل الاحترام للي بيدافع عن أرضه بدون خوف أو تراجع، والعار كل العار على اللي باعوا أرضهم.