مشاركة من صفحة الموقف المصري في التوعية بشأن لقاح كورونا اللي كل المصادر العلمية والواقع العملي في البلدان اللي أنجزت نسب تلقيح كبيرة بيقولوا إنه دا الوسيلة الوحيدة للسيطرة على الوباء، وكل ما نتأخر في عملية التلقيح الوضع بيكون أصعب على صحة الناس في المقام الأول وعلى الاقتصاد وغيره.
هننشر سلسلة بوستات عن اللقاح، والتوصيات الطبية المصرية والعالمية، والمعلومات بترد على شائعات كتيرة منتشرة، وهنشوف بالأرقام إزاي قدرت الدول اللي أنجزت نسبة معقولة من تلقيح سكانها في حصار الوباء فعلا، وبدأت ترجع لحياتها التدريجية.
-وزي ما قدمنا نقد واقتراحات حلول لإدارة أزمة الوباء في مصر، بندعو كل المصريين في المقام الأول للالتزام قدر المستطاع بالإجراءات الاحترازية والتباعد الاجتماعي وتجنب التجمعات غير الضرورية ولبس الكمامة، وثانياً بالتوازي السعي للحصول على اللقاح عن طريق الخطوات اللي هنقولها في البوست دا.
– ومش كده بس يا ريت اللي يقدر يسجل لأقاربه ومعارفه اللي مبيعرفوش يتعاملوا مع الإنترنت وخاصة كبار السن ميتأخرش كده بجانب توضيح مسألة الأمان، بجانب إن الدولة لازم تبذل مجهود أكبر زي ما قولنا قبل كده للوصول للشرائح دي عن طريق البيانات الموجودة في الحملات الصحية السابقة اللي نجحت بشكل كبير.
*****
إزاي تسجل لتلقي لقاح كورونا في مصر؟
تقدر تسجل اسمك عشان تاخد اللقاح عن طريق الموقع المخصص ليه (
الرابط)
أو بالاتصال على الخط الساخن برقم 15335.
وبعدها بفترة هتتلقى رسالة نصية بموعد التطعيم
كمان دلوقتي ممكن يتم حجز تلقي في المنزل لمن يرغب من مرضى (ضمور العضلات، الشلل الرباعي أو النصفي أو شلل الأطفال، بتر أحد الأطراف السفلية، كسر أحد الأطراف السفلية، المصابين بمرض التصلب المتعدد).
لقاح فيروس كورونا آمن، فعّال، ومجاني للمصريين وغير المصريين المقيمين على أرض مصر..