الموقف المصري | Egyptian Situation

الدكتورة فاطمة مراد زوجة الدكتور شادي الغزالي حرب نشرت على صفحتها فيديو مؤثر جدا بتتكلم فيه عن اعتقال جوزها اللي بيقترب من اتمام سنتين في السجن بدون ذنب!

– دكتور شادي الغزالي له طفلين خالد وعلي، 15 و 12 سنة، محرومين من الأب كل الفترة دي.

– أسرة الدكتور شادي كانت عايشة في بريطانيا وكان ممكن يقعدوا هناك، لكن هوا اختار يرجع بلده ويفيدها بشغله في القصر العيني ويفيدها كمان بمشاركته في السياسة.

– شادي اسم معروف من عائلة ليبرالية معروفة، من حق أي حد يتفق أو يختلف معاه في آراؤه السياسية لكن بالتأكيد ده لا إرهابي ولا حرامي، زيه زي معتقلين كتير جدا اتسجنوا لأسباب سياسية وبعضهم أعضاء في أحزاب قانونية معملوش أكتر من دورهم الطبيعي في المشاركة السلمية.

– نتمنى صدى رسالة دكتورة فاطمة ميروحش هدر، ونتمنى يكون بداية حراك جديد لقضية المعتقلين السياسيين ولو على يد الزوجات والأمهات.

– كل التضامن مع الدكتور شادي ومع كل المسجونين ظلما من كل الاتجاهات، ودورنا على الأقل نتكلم دايما عن قضيتهم في كل مكان. مفيش بلد بتتقدم بدون عدل.