حلول ونصائح لتجاوز الحجب وتأمين استخدام الإنترنت

من أول ما بدأت المظاهرات حصلت حاجتين صعبوا من استخدام المصريين للانترنت:

أولاً: بشكل تقني تم اعاقة عمل سيرفرات توزيع المحتوى الخاصة بفيس بوك وماسنجر وتويتر، وده باختصار يؤدي لإن التصفح يكون أبطأ خاصة رفع الفيديوهات ومشاهدتها، ده غير حجب مواقع جديدة زي بي بي سي والحرة.

ثانيا: حصلت عمليات تفتيش عشوائية واسعة للناس في الشوارع ، وبيتم فتح موبايلاتهم وفحص آرائهم على فيس بوك ومحادثاتهم مع صحابهم، بالمخالفة للقانون.

– أكتر من خبير تقني نشر حلول تقنية، وده اللي بنجمعه هنا، وبندعو كل من يقدر يساعد باقتراحات يضيف في الكومنتات.

*****

إزاي تتجاوز الحجب؟

– لو عايز تتصفح أي موقع محجوب، أو لتحسين استخدام الفيسبوك والماسنجر وتويتر، ممكن تنزل أحد برامج أو تطبيقات لتجاوز الحجب (VPN) ودي بتديك اختيار يظهر إنك داخل من دولة تاني غير مصر حسب اختيارك.

للاستخدام من الكمبيوتر ده لينك SetupVPN على جوجل كروم : https://chrome.google.com/…/oofgbpoabipfcfjapgnbbjjaeno…

ومن الموبايل ده ابليكشن “سايفون psiphon” من الاندرويد:

https://play.google.com/store/apps/details…
ومن الآي فون:

https://apps.apple.com/us/app/psiphon/id1276263909

– طريقة تانية غير البرمج دي انك تستخدم متصفح اسمه tor، اللي عنده قدرة على تجاوز الحجب، وفي نفس الوقت مش بيسمح للسلطات بمراقبتك أو معرفة معلومات عنك.
على الكمبيوتر ده موقع tor ممكن تحمل منه المتصفح: https://www.torproject.org/
وهوا موجود بنفس الاسم اندرويد وآي فون

*****

لو محتاج تتواصل مع حد بشكل آمن وتطمن إنه مش متراقب؟

– المكالمات الهاتفية والرسايل النصية العادية كلها متراقبة، الأفضل هوا استخدام تطبيق تيليجرام أو سيجنال للرسائل والمكالمات الصوتية المشفرة، وتقدر كمان تبعت من خلاله رسالة وتحدد المعاد اللي هختفي فيه من عندك وعند الشخص اللي بتبعت له.

أبلكيشن signal للاندرويد:

https://play.google.com/store/apps/details…

– لو مفيش خيار الا استخدام أحد البرامج الشائعة يبقى بلاش ماسنجر الفيس بوك، مش أمان بالقادر الكافي، والافضل منه واتساب لأنه متشفر.

– في حالة حجب كل تطبيقات التواصل الاجتماعي أو قطع الإنترنت خالص، ممكن تستخدم تطبيق من التلاتة دول Firechat أو Briar أو qaul.net، اللي تقدر من خلالهم إرسال رسايل وملفات أو تعمل محادثات صوتية، وبيعتمدوا على البلوتوث أو شبكات الواي فاي بتاعة المستخدمين، حتى لو مفيش إنترنت، من خلال تقنية نقل الرسائل من موبايل لآخر لحد ما يوصل للمستقبل، وبتحافظ على سرية الرسالة بين الطرفين.

https://play.google.com/store/apps/details…

https://qaul.net/…

– لو كانت وسيلة التواصل الوحيدة هي رسائل الموبايل، هيكون مفيد لو استخدمت تطبيق Silence.im، اللي هيشفر الرسايل وماحدش يقدر يعرف محتواها غير المرسل والمستقبل، بس لازم الطرفين يكونوا بيستخدموا التطبيق.

https://play.google.com/store/apps/details…

– لو حد بيحاول يدخل على حساب فيس بوك بتاعك، غير الباسورد وحط فيه أرقام وحروف كبيرة وصغيرة ورموز، وخلي تسجيل الدخول لحساباتك على السوشيال ميديا يتم من خلال خطوتين، الباسورد + كود يتبعت لك في رسالة على الموبايل.

******

إزاي أخبي محتوى موبايلي عشان لو تعرضت للتفتيش؟

1- أبسط وسيلة تستخدم حساب فيس بوك تاني على الموبايل مكيونش فيه أي محتوى سياسي أو صور سياسية.

2- لو معاك موبايل سامسونج حديث، فبيكون فيه خاصية “المجلد الآمن Secure Folder”، ودي بتسمح بتخزين الصور والڤيديوهات، والملفات والتطبيقات في مساحة منفصلة من الجهاز.
– ممكن تفعلوا الخاصية دي باتباع الخطوات في اللينك، وبعد كده ادخلوا المجلد الآمن وحطوا فيه كل التطبيقات والصور وأي حاجة تهمكم من الظهور الافتراضي، وحتى شيلوا أيقونة المجلد الآمن نفسه.

https://www.samsung.com/…/what-is-the-secure-folder…/

ده فيديو بيوضح إزاي تفعل الخاصية

https://www.youtube.com/watch?time_continue=3&v=XjdtnaiYG7Q

3- في موبايلات مش بتدعم خاصية الـ”Secure Folder” لكن بتدعم الـ”Private Mode”، ودي خاصية بتسمح بالاحتفاظ بالملفات بشكل خفي، الخاصية دي مفيدة للمحامين الحقوقيين وللناس اللي بتسجل أو بتصور في الشارع.

معلومات أكثر عن الخاصية
https://www.samsung.com/…/what-is-private-mode-and-how…/

وده ڤيديو بيوضح إزاي تفعلها

https://www.youtube.com/watch?v=_yMGGokR3mY

4 موبايلات هواوي الحديثة فيها خاصية اسمها المساحة الخاصة “Private Space”، خاصية شبه خاصية المجلد الآمن في السامسونج، وبتسمح للمستخدم بإنشاء مساحة خفية ممكن فيها يخزن ما يريد.

ده ڤيديو بيوضح إزاي تفعلوا الخاصية

https://www.youtube.com/watch?v=klcdNNjyqPs

٤- لو معاك موبايل غير السامسونج والهواوي، استخدم نافذة متصفح مخفية (ذات خصوصية) للدخول لحساب الفيس بوك الخاص بك. وشيل تطبيق الفيس بوك من على موبايلك، ومهم جداً ماتخلوش المتصفح يحفظ كلمة السر للحساب. لازم يتم إدخال كلمة السر يدوياً كل مرة تدخلوا فيها حساباتكم. وينصح أيضاً باستخدام متصفح فايرفوكس فوكس “Firefox Focus” لفتح الفيسبوك.

ده ڤيديو بيوضح كيفية استخدام نوافذ المتصفح ذات الخصوصية

https://www.youtube.com/watch?v=5Qzqpe6vKY4

– ممكن تستعين ببرنامج إخفاء الملفات، اللي بيكون في صورة آلة حاسبة عشان لو حد فتش موبايلك ميلاقيش اي حاجة غريبة، وبيظهر لك الملفات دي لما تدخل رقم معين على الآلة دي. وتقدر تعمل أكتر من مخزن صور فيه، كل واحد فيهم ليه رقم سري.

ده واحد من تطبيقات النوع ده: https://play.google.com/store/apps/details…

***
– نتمنى اننا بيوم قريب منحتاجش كل النصايح دي، ويكون الشعب واثق ان مفيش مراقبة اتصالات بدون أمر قضائي مسبب، وإن الأجهزة الأمنية في بلده بتسخر كامل امكاناتها وميزانيتها من ضرايبه لصالحه. نتمنى السلامة والأمان لكل المصريين.

Journalist O