الموقف المصري | Egyptian Situation

– نجحت جيانا فاروق لاعبة الكاراتيه المصرية في الحصول على ميدالية برونزية رابعة لمصر في أولمبياد طوكيو.

– ألف مبروك لجيانا اللي قدمت أداء رائع وكانت قريبة جداً من الوصول لمباراة الميدالية الذهبية، لكن المباراة انتهت بالتعادل، بعد تصويت الحكام لصالح منافستها الصينية.

– فخورين بجيانا وإنجازها المشرف بعد ما خلت الكاراتيه هي اللعبة التامنة اللي مصر تحرز فيها ميداليات تاريخيا بالأولمبياد.

– وكمان جيانا فاروق هي السيدة الرابعة اللي تحرز ميداليات لمصر تاريخيا.

– إنجاز جيانا الأبرز إنها أول مصرية وعربية وإفريقية تتوج بميدالية في منافسات الكاراتيه أولمبيا، وممكن تكون دي المرة الأخيرة لأن اللعبة هتترفع مرة تانية من المنافسات في أولمبياد باريس 2024.

– وبناء عليه اللجنة الأولمبية قررت تكريمها بحمل علم مصر في حفل ختام أولمبياد طوكيو 2020.

– مليون مبروك كمان لجيانا لإنجازها تستحق كل تكريم لإصرارها وبطولتها، وبنتمنى كل التوفيق لباقي أبطالنا في المنافسات المتبقية.