الموقف المصري | Egyptian Situation

– صفحة الموقف المصري بتتقدم بالتهنئة لمنتخب الناشئين لكرة اليد في مصر، مواليد 2000، علي التأهل لنهائي كاس العالم، والمباراة هتنعقد النهاردة الأحد الساعة 6 مساءا.
– منتخبنا اتأهل بعد الفوز علي البرتغال، أحد أقوي الفرق في البطولة، وبنتيجة كبيرة 41 – 36، ودي المرة الأولي اللي يتأهل فيها منتخب الناشئين لنهائي كاس العالم .
– منتخب الناشئين عامل أداء رائع طول البطولة، أتأهل أول مجموعته في مجموعة صعبة كان فيها السويد وفرنسا، واستطاع أنه يعدي دور ال16 وال8 لحد ماتش النهاردة االلي عمل في أداء بطولي.
– من الواضح أنه في شغل جيد بيتعمل في اتحاد كرة اليد المصري، علي العكس من اتحاد كرة القدم اللي من المفترض أنه عنده إمكانيات أكبر بحكم الدعم الرسمي والشعبي لكرة القدم، والشغل ده بيبان من نتايج منتخبات اليد سواء الأول أو الناشئين والشباب، واللي بتحقق نتائج عظيمة عالميا في ظل ضعف الإمكانيات، يكفي أننا نعرف انه مكافئات فوز منتخب شباب اليد بالمركز الثالث كانت 8 الاف جنية للاعب .
– نتمني نرجع بكاس العالم للناشئين، وساعتها نتمني الجيل دا يحصل علي التقدير المادي والمعنوي المناسب لحجم الإنجاز.
– فريق عمل صفحة الموقف المصري بيقدم كل التنهئة لمنتخب الناشئين والجهاز الفني والقائمين علي الاتحاد المصري لكرة اليد، ولكل مواطن مصري قادر إنه يحقق إنجاز ويرفع اسم بلده في أي مجال.
– بندعو كل المصريين يشوفو مباراة النهائي بين المنتخبين المصري والألماني، ويشجعوا شبابنا . المباراة هتُذاع على قناة تايم سبورت الساعة السادسة مساء اليوم.