– الفيديو ده كان لايف نشره النائب عمرو أبواليزيد، نائب دايرة بولاق الدكرور عن حزب الوفد، وبيتكلم فيه عن كارثة حقيقية وهيا اختلاف النتيجة المعلنة عن الأصوات في الصناديق!
الصفحة الرسمية للنائب / عمرو أبواليزيد– بيحكي إن المندوبين في كل اللجان استلموا المحاضر الرسمية للفرز، وبتجميع النتايج ظهر إن الأعلى أصواتا في الدايرة هما عمرو أبواليزيد وعلي خلف ومحمد اسماعيل، وبعدهم مرشحي مستقبل وطن.
– المفاجأة ان وسائل الإعلام نشرت نقلا عن اللجنة العامة نتايج مختلفة خالص، فيها كل مرشح من مستقبل وطن زايد ٥٠ ألف صوت!!
– النائب عمرو قال انه هيتعامل مع الكلام ده انه شائعات مادام لسه متمش الاعلان النهائي في ١ نوفمبر من اللجنة الوطنية للانتخابات، وبيناشد الرئيس وكل المسؤولين يعلنوا النتيجة الحقيقية العادلة.
– الوقائع دي حصلت في أكتر من دايرة، زي دايرة العمرانية مع النائب المحترم محمد فؤاد قال نفس الكلام ومعاه المحاضر اللي تثبت.
Mohamed Fouad – محمد فؤاد– احنا كده مش بنتكلم عن فساد المناخ الانتخابي، التلاعب بالقانون وبتقسيم الدواير، والرشاوى، لكن بنتكلم عن اتهامات بوقائع تزوير صريحة.
– بنكرر كلامنا ان قرار المقاطعة أو المشاركة كل شخص يحدده حسب ظروف منطقته، ولو في دايرتك مرشح محترم انتا واثق فيه مينفعش تسيبه بدون دعمه مهما كانت النتايج، ده الطريقة الوحيدة اللي بإيدنا لدعم الناس اللي بتمثلنا أو على الأقل لتوثيق الانتهاكات والتزوير.
– نتمنى الأيام الجاية قبل الاعلان الرسمي يظهر أي طرف عاقل داخل الدولة يمنع انه يحصل أي حاجة إلا إعلان النتايج الحقيقية الموثقة بمحاضر الفرز، ويمنع تكرار مشاهد عصر مبارك اللي كلنا شفنا نهايتها كانت إيه.